'Cenedl heb gof, cenedl heb galon.' Ac yn y cof hwnnw, y mae gan Owain Glyndwr le allweddol, heddiw fel erioed. Wrth edrych yn ôl dros y canrifoedd, gwelwn y portread o Glynd?r yn newid yn syfrdanol o gyfnod i gyfnod. Bu'n fab darogan, yn fethiant amherthnasol, yn ddewin, yn arwr gwerin, yn rhyfelwr rhamantaidd, yn obaith tawel. Mae'r gyfrol hon yn amlinellu’r sylw a dderbyniodd Glyndwr gan ein beirdd a'n llenorion o tua diwedd yr Oesoedd Canol ymlaen, gan fanylu'n arbennig ar flynyddoedd ei anterth fel eicon cenedlaethol o tua 1880 hyd at y Rhyfel Byd Cyntaf. Cawn olwg hefyd ar ddatblygiad y ddrama Gymraeg, a lle Glyndwr yn y datblygiad hwnnw. Gwelwn ddwy thema yn gwau trwy'r ymdriniaeth hon. Yn gyntaf, natur 'hanes' a'r ffordd y mae cenedl yn creu ac yn dehongli hanes i gyd-fynd â'i dyheadau. Yr ail thema yw natur gyfnewidiol 'Prydeindod' y Cymry o oes i oes. Ym mhob cam yn hanes y portread o Owain Glyndwr, ailgreodd y Cymry'r gorffennol ar gyfer y presennol — er mwyn y dyfodol.
