Pasi ka botuar me shumë sukses shtatë libra, nga këto pesë vë-llume poetike dhe dy romane, shkrimtari dhe poeti Llesh Doda vjen para lexuesit të tij me romanin më të ri të titulluar: DITËT E SHPRESËS, një epos i mirëfilltë i diteve të para të ndryshi-meve politiko-shoqërore të Shqipërisë dhe sidomos të eksodeve biblike që i detyroi shqiptarët të rrëmbenin anijet nga portët shqiptare dhe t'u drejtohen brigjeve të Italisë, me shpresën e një jete më të mirë e më dinjitoze. Ngjarjet vijnë si një shfrim i një jete plot vuajtje e mundime që shqiptarët kishin kaluar përgjatë një periudhe gati gjysëmshekullore nën diktaturën komuniste dhe të mungesës së një lirie, të cilën shpesh e kishin paguar edhe me jetën e tyre, ata që kishin guxuar ta kërkonin përgjatë asaj periudhe mjaft të errët në historiën Shqipërisë.
