In 2019 bestoon veer 40 jaor en is 't 100 jaor geleie tot Pol Brounts gebore is. Um dao stèl bij te stoon höbbe veer e speciaol book oetgebrach; Kiksjozerije. In dit book vint geer 40 veerskes gesjreve door Pol Brounts, die -speciaol veur dit book- zien veurzeen vaan 40 teikeninge gemaak door Chrit Rousseau. Euver Pol Brounts: Pol Brounts is eine vaan 't ierste oor vaan Veldeke Krink Mestreech. Naotot heer 40 jaor veur de klas had gestande, voont heer d'n tied um de verhaole en de versjes die heer zoe gere vertèlde op te sjrieve. Dao zien 5 beuk vaan Pol oetgegeve door Veldeke Krink Mestreech. Euver Chrit Rousseau: Chrit Rousseau is in Mestreech gebore beeldend kunsteneer. Heer steit bekind um zien natuurleke, beweegleke en veural kleurrijke meneer vaan sjèldere en sjetse. Heer teikent 't leefs lui in hun daogelekse pose en portretteert alles dat ziech in zien umgeving aofspäölt.
