✦ Verified product
Oyan 韓國精選精品咖啡豆 NUTTY BOX 堅果 / ETHI BERRY 莓果 (200g)
HKD 168.00
口味
加購
D.O.C SHOP
Verified independent store
→
★ 免運費優惠：香港 - 買滿 2 包 ；澳門 - 買滿 3 包 Bean in the Shop 韓國原豆系列 之前推出嘅韓國掛耳咖啡反應比我預期更熱烈，好多客人飲完之後都問：「有冇原豆版？」所以今次我終於將韓國咖啡廳 Bean in the Shop 最受歡迎嘅兩款 Signature Coffee Bean 帶返香港。 同掛耳包一樣，依然係韓國人氣烘焙
品牌 Bean in the Shop 嘅皇牌配方，但今次直接以 200g 原豆形式登場。相比掛耳包，原豆最大嘅魅力係保留咗更加完整嘅香氣層次。 當你打開咖啡袋、研磨咖啡豆嘅一刻，堅果香、果香同烘焙香氣會比掛耳包更加濃郁立體，亦都更加能夠感受到韓國咖啡店常見嘅細緻風味。 如果你曾經去過韓國旅行，可能會發現韓國人特別重視咖啡嘅香氣同餘韻。比起濃烈刺激，韓國咖啡更多追求乾淨、舒服、耐喝，以及可以慢慢享受嘅層次感。一款濃郁溫暖『NUTTY BOX』，一款清甜明亮『ETHI BERRY』。希望你都可以喺屋企沖出屬於自己嘅韓國咖啡時光。 #1 全豆咖啡『NUTTY BOX』堅果禮盒（200g） 適合鍾意傳統咖啡香、想要濃郁少少、每日飲都唔會膩嘅你。如果你平時去咖啡店，聞到嗰陣最吸引你嘅係嗰種暖暖地、烘焙過嘅咖啡香，咁你大機會會鍾意呢一款。現磨之後會有好明顯嘅烤杏仁同花生香氣，入口帶住黑朱古力同可可嘅厚實感，整體圓潤順口，但唔會苦得有壓力。 呢款亦都係我一直覺得最容易令人愛上咖啡嘅味道。只要打開袋咖啡豆聞一聞，你大概已經會明白點解佢會係 Bean in the Shop 最受歡迎嘅經典配方。 風味印象・ 烤杏仁 ・花生 ・黑朱古力 ・可可香氣 ・濃郁而平衡 ⸻ #2 全豆咖啡『ETHI BERRY』清甜莓果（200g） 適合鍾意果香、怕苦，或者想試下精品咖啡世界嘅你。如果 NUTTY BOX 係冬天嘅毛毯，ETHI BERRY 就有少少似夏天嘅微風吹過果園。 現磨嗰一下，已經會聞到好明顯嘅莓果同柑橘香氣。沖出嚟之後唔會有傳統咖啡嗰種沉重感，反而帶住一種好乾淨、好清爽嘅甜。 有啲似士多啤梨糖，但又唔係人工香精嗰種甜。而係果香慢慢留喺口腔裡面嘅感覺。 呢款一直都係我會推薦俾平時唔太飲咖啡、又或者覺得咖啡一定好苦嘅朋友。 風味印象 ・ 士多啤梨糖 ・柑橘果香 ・Clean Cup ・清爽明亮・ 甜感自然 ⸻ 這兩款咖啡豆，就是之前掛耳包版本的原豆來源。 如果你曾經喜歡過 Nutty Box 或 Ethi Berry 掛耳包，那麼原豆版本會讓你聞到更完整、更濃郁的香氣層次。
